Ана бўлмасам. Мейвезер пандани ўзига ўғил қилиб олди

Бешта вазн тоифасида собиқ жаҳон чемпиони, фаолияти давомида 50та жанг ўтказиб, уларнинг барчасида ғалабага эришган Мейвезер ўзининг Хитойга ташрифи чоғида гигант панда айиғини ўғил қилиб олди.

Флойд Мейвезер бунинг учун 15 000 АҚШ доллари тўлади. Лекин боксчи жониворни ўзи билан бирга Америкага олиб кета олмайди. У берган пуллар панда бемалол бир йил боқишга етади.

Мейвезер хатто пандага ўз исмини ҳам берди. 2016 йилнинг июль ойида дунёга келган панда энди Маоду эмас, балки Флойд Мейвезер номи билан аталади. 40 ёшли бокс юлдузи ўзининг янги ўғли билан селфи қилишга ҳам улгурди.