09 апр 12:49
Янгиликлар

Бокс/ММА

Анападаги мусобақада иштирок этган боксчиларимиз юртимизга қайтиб келишди

Теглар : Бокс

Хабар бериб ўтганимиздек, бир неча кун олдин ёш боксчиларимиз Россия Федерациясининг Анапа шаҳрида бўлиб ўтган мусобақада иштирок этиб, бешта медалга сазовор бўлгандилар.

2001-2002 йилда туғилган боксчилар ўртасида Халқаро тоифадаги спорт устаси Николай Павлюков хотирасига бағишланган турнирда Россия, Куба, Қозоғистон, Арманистон, Швейцария, Ҳиндистон, Филиппин, Қирғизистон, Грузия, Украина, Беларусь ва Ўзбекистон мамлакатларидан 113 нафар боксчи иштирок этган ва унда беш нафар ҳамюртимиз совриндорлар қаторидан жой олганди.

Ушбу мусобақада иштирок этган боксчиларимиз юртимизга қайтиб келишди.

Эслатиб ўтамиз, турнир якунларига кўра Шаҳзод Музаффаров (-49 кг) ва Асадхўжа Мўйдинхўжаев (-64 кг) олтин, Хуршидбек Расулжонов (-56 кг), Нурислом Исмоилов (-69 кг) ва Суҳробжон Кайимов (-75 кг) бронза медалини қўлга киритишганди. Вакилларимиз умумжамоа ҳисобида мезбон Россия терма жамоасидан сўнг иккинчи ўринни эгаллагандилар.

Энди боксчиларимиз бир неча кун дам олишади ва яна машғулотларни бошлашади. Уларни олдинда бир қатор мусобақалар, жумладан шу йил ноябрь ойида ўтказиладиган Осиё чемпионати кутиб турибди.

Ўзбекистон бокс федерацияси матбуот хизмати