23 янв 12:41
Янгиликлар

Бокс/ММА

Андраде камарини Сондерсдан ҳимоя қилади

Билли Жо Сондерс ўрта вазн тоифасида WBO чемпионлик камари учун расмий даъвогарга айланди.

Бутунжаҳон бокс ташкилоти (WBO) ушбу йўналиш чемпиони бўлиб турган Деметриус Андрадега кейинги жангини айнан Билли Жо Сондерсга қарши ўтказишини мажбурий қилиб қўйди.

Энди Сондерс ва Андраде узоғи билан 21 февралгача ўзаро жанг ўтказиш ва унинг шартлари бўйича келишиб олишлари шарт. Акс ҳолда промоутерлар ўртасида очиқ савдо эълон қилинади.

Эслатиб ўтамиз, аслида Андраде ва Сондерс ўртасидаги жанг ўтган йили ўтказилиши керак эди. Лекин ўшанда Сондерс топширган допинг-таҳлил ижобий чиққан ва WBO боксчини ярим йилга дисквалификация қилганди.