05 янв 09:11
Янгиликлар
Бокс/ММА
Андре Уорд катта гонорар эвазига қайтишга тайёр
Икки вазн тоифасида собиқ жаҳон чемпиони Андре Уорд фаолиятини қайта тиклашга тайёр эканлигини маълум қилди.
Фақат бунинг учун уни қаноатлантирадиган гонорар таклиф қилиниши керак. Бу ҳақда иккинчи ўрта вазн тоифасида WBA йўналиши чемпиони Каллум Смитнинг мураббийи Жо Галлахер хабар берди.
Галлахернинг айтишича, Уорд талаб қилаётган сумма боксчининг фаолияти давомида олган энг катта гонораридан кўп бўлиши шарт. Андре ушбу гонорар кафолатланган тақдирда Каллум Смит ва хатто биринчи оғир вазн тоифасида мутлоқ жаҳон чемпиони Александр Усикка қарши ҳам рингга кўтарилади.
Эслатиб ўтамиз, Андре Уорд боксчилик фаолиятини 2017 йилда якунлаган эди. У ўзининг сўнгги икки жангида россиялик Сергей Ковалёвга қарши рингга кўтарилган ва ҳар иккисида ҳам ғалабага эришганди.
Ҳавола :
Фикрлар