Англия кубогида бугун дастлабки финалчи аниқланади

Унда “Манчестер Сити” ҳамда “Ливерпуль”жамоалари ўзаро учрашувда муносабатларига ойдинлик киритиб олишади. Ушбу классик қарама-қаршилик Тошкент вақти билан 19:30 да старт олади ва Лондондаги “Уэмбли” стадионида ўтказилади. 1/2 финалнинг яна бир баҳси эса эртага (17 апрел, 20:30) “Челси” ҳамда “Кристал Пэлас” ўртасида ўтади. 

Эслатиб ўтамиз, мусобақанинг ҳал қилувчи учрашуви 14 майга белгиланган. Амалдаги чемпион “Лестер” ҳисобланади, энг кўп титул эса “Арсенал” (14 та) ҳисобида.