Анвар Анваров "Бриллиант лига"нинг Шанхайдаги босқичида мавсумдаги энг яхши натижасини кўрсатди

Мусобақанинг эркаклар ўртасидаги узунликка сакраш баҳсларида Ўзбекистон терма жамоаси аъзоси, Париж-2024 ёзги Олимпия ўйинлари иштирокчиси Анвар Анваров ҳам қатнашди.

24 ёшли спортчимизнинг тўртта уринишдаги энг юқори кўрсаткичи 7,97 метр бўлди. Бешинчи уриниш муваффақиятсиз чиқди. Бу Анваров учун жорий мавсумдаги энг яхши натижа бўлди. Якунда Анвар Шанхайдаги босқични олтинчи ўринда якунлади.

Хитойнинг бошқа бир шаҳри — Сяминдаги илк босқичида 8,18 м натижа билан ғолиб бўлган мезбон юрт вакили Минкум Чжан муваффақиятсиз биринчи уринишдан сўнг мусобақадан чиқди. Чжан йўқ бўлса-да, юқори икки ўринни бошқа хитойлик спортчилар қўлга киритди. 8,21 м натижа билан 2023 йилги Осиё ўйинлари бронза медали совриндори Юхай Ши ғолиб бўлди. 2023 йилги ўсмирлар ўртасидаги Осиё чемпиони Хен Шу эса иккинчи натижани кўрсатди – 8,18 м.

2023 йилги жаҳон чемпионати ва 2024 йилги Париж Олимпиадасининг кумуш медали совриндори, ямайкалик Уэйн Пиннок 8,10 метрга сакраш билан учинчи бўлди.

Тўлиқ натижалар: