Four Four Two Англия Премьер-лигаси тарихидаги энг қиммат қишки трансферлар рўйхатини тузиб чиқди. Рейтинг етакчиси атиги бир ҳафта олдин "Шахтёр"дан "Челси"га ўтган Михаил Мудрик бўлди. Трансфер суммаси бонуслар билан бирга 88 млн фунтни ташкил этди.
Иккинчи ўрин Виржил ван Дейкка насиб этди, унинг учун "Ливерпуль" "Саутгемптон"га 74 млн фунт тўлаган. "Атлетик"дан "Манчестер Сити"га 57 млн эвазига ўтган Эмерик Ляпорт кучли учликка якун ясади.
АПЛ тарихидаги энг қиммат қишки трансферлар (ТОП-10):
1. Михаил Мудрик – "Шахтёр"дан "Челси"га (88 млн фунт);
2. Виржил ван Дейк – "Саутгемптон"дан "Ливерпул"га (74 млн фунт);
3. Эмерик Ляпорт – "Атлетик"дан "Манчестер Сити"га (57 млн фунт);
4. Кристиан Пулишич – "Боруссия" Дортмунддан "Челси"га (56 млн фунт);
5. Пьер-Эмерик Обамеянг – "Боруссия" Дортмунддан "Арсенал"га (55 млн фунт);
6. Бруну Фернандеш – "Спортинг"дан "Манчестер Юнайтед"га (54 млн фунт);
7. Луис Диас – "Порту"дан "Ливерпул"га (52 млн фунт);
8. Фернандо Торрес – "Ливерпул"дан "Челси"га (50 млн фунт);
9. Бруно Гимарайнш – "Лион"дан "Ньюкасл"га (40 млн фунт);
10. Хуан Мата – "Челси"дан "Манчестер Юнайтед"га (37,1 млн фунт).
Фикрлар