Ақлга сиғмайди: "Олимпиада-2018"нинг бош стадионини ўйинлардан сўнг дархол бузиб ташлашмоқчи

Ўз бағрига 35 000 томошабинни сиғдира оладиган ушбу аренани Паралимпия ўйинларидан сўнг, март ойида бузиб ташлашмоқчи. Унинг ўрнида шаҳар марказида музей ва бошқа кўнгилочар жойлар бўлиши режалаштирилган.

Аввалига ташкилотчилар очилиш ва ёпилиш маросимларини шаҳар яқинида жойлашган стадионда ўтказишни мақсад қилгандилар.

Лекин, шаҳар аҳолиси маросимни бошқа шаҳарга кўчириш қарорига қарши бўлди ва ташкилий қўмита уларга қарши бўлишни истамади.



Олимпия стадиони 22 ой давомида қурилди. У 105 миллион долларга тушди. (Ўз вақтида бу 78 миллион доллар бўлиши тахмин қилинганди).

Объект майдони 240 минг квадрат метрни ташкил қилди.

Аренага яқин жойда медаль топшириш майдончаси бор. Тақдирлаш маросимидан ташқари у ерда хар куни кўргазмалар, турли чиқишлар ва бошқа тадбирлар ўтказилади.

Эслатиб ўтамиз, Жанубий Кореядаги қишки Олимпиада 2018 йилнинг 9-25 февраль кунлари бўлиб ўтади. Ўйинларда 102та медаллар жамланмаси ўйналади. Бу эса Сочидаги ўйинлардан 4тага кўп дегани.

sports.ru сайти асосида тайёрланди