Армрестлинг. Осиё чемпионатида медаллар шодаси

Ўсмирлар, ёшлар, катталар, имконияти чекланган спортчилар ўртасида ўтаётган қитъа чемпионатида 20дан зиёд давлатдан армрестлингчилар кимнинг қўли кучли эканлигига ойдинлик киритишяпти. Улар орасида Қурбон Конишев бошчилигидаги Ўзбекистон терма жамоаси ҳам бор. 

Катталар ўртасидаги Осиё чемпионатида Султон Неъматуллаев 3та олтин медал билан шохсупанинг энг юқори поғонасига кўтарилди. Авазбек Асадов ҳам Осиё чемпионига айланди. 

Ўсмирлар ўртасидаги мусобақада Сирож Турсунов олтин медални қўлга киритди. Саидхон Ахматхонов ва Сарвар Қосимов бронза медалига сазовор бўлишди. Зарнигор Абдураҳмонова биттадан кумуш ва бронза медали билан тақдирланди. 

Имконияти чекланган спортчилар баҳсида Гулноза Маматқулова 2та олтин, Абдураҳмон Улуғбоев 1та олтин медални терма жамоамиз ҳисобига ёзиб қўйди. Осиё чемпионати эртага якунланади.