Армрестлинг. Терма жамоамиз Жаҳон чемпионатида 25 та медаль қўлга киритди ФОТОГАЛЕРЕЯ

Ўсмирлар, ёшлар ва катталар ўртасида ўтказилган дунё биринчилигида сайёрамизнинг 51 давлатидан қўл спорти усталари медаллар йўлида баҳс олиб боришди. Жаҳон чемпионатида Қурбон Конишев бошчилигидаги Ўзбекистон терма жамоаси аъзолари юртимиз шарафини ҳимоя қилдилар. 

Кичик ўсмирлар (15 ёшгача) ўртасидаги беллашувларда ҳамюртларимиздан Шаҳзода Бегимова (70 кг) ўнг қўл машқида олтин, чап қўлда эса кумуш медални қўлга киритди. Ўсмирлар (18 ёшгача) баҳсида қатнашган Одамбой Шавкатов (+90 кг) чап қўлда олтин медалга эга чиқди. 

Ёшлар (23 ёшгача) ўртасидаги мусобақада Ярашбой Йўлдошев (60 кг) чап қўлда бронза, Назокат Солиева (70 кг) чап ва ўнг қўлларда 2 та олтин, Шохруҳ Ўктамов (75 кг) ўнг қўлда кумуш, чап қўлда эса бронза, Сирож Турсунов (85 кг) ўнг қўлда бронза, Ойдинхон Султонова (60 кг) чап ва ўнг қўлларда 2 та бронза, Дилшод Мардонов (70 кг) чап қўлда бронза, Умиджон Эрматов (55 кг) эса чап қўлда бронза медалига сазовор бўлди. 

Катталар ўртасидаги баҳсларда Зохир Файзуллаев (55 кг) ўнг қўлда бронза, Назокат Солиева (70 кг) чап ва ўнг қўлларда 2 та олтин медални терма жамоамиз ҳисобига қўшиб қўйди. 

Фахрийлар (40 ёш ва ундан юқори) беллашувида Дмитрий Докучаев (80 кг) чап ва ўнг қўлда 2 та олтин, 50 ва ундан юқори ёшдагилар мусобақасида қатнашган Султон Неъматуллаев (80 кг) чап ва ўнг қўлларда 2 та олтин медаль билан тақдирланди. 

Жисмоний имконияти чекланган спортчилар баҳсида Умилжон Аҳмедов (90 кг) ўнг қўлда бронза, Қудрат Тошбоев (100 кг) чап ва ўнг қўлда 2 та кумуш, Шерзод Саидов (65 кг) чап ва ўнг қўлда 2 та олтин медални қўлга киритди. 

Шу тариқа, Ўзбекистон армрестлинг терма жамоаси 12 та олтин, 4 та кумуш, 9 та бронза, жами 25 та медаль билан жаҳон чемпионатида иштирок этган 51 давлат орасида умумжамоа ҳисобида учинчи ўринни эгаллади.