Армрестлинг. Туркиядаги жаҳон чемпионатида 14та медал қўлга киритилди, ҳозирча! ФОТО

Йилнинг ушбу нуфузли мусобақасида 51та давлатнинг 1200 нафардан зиёд қўл спорти усталари иштирок этишяпти. Улар орасида 50 кишидан иборат Ўзбекистон спорт делегацияси ҳам жаҳон чемпионати медаллари учун баҳсларга киришган. Таркибдан 45 нафар спортчимиз жой олган. 

Жаҳон чемпионатининг икки кунлик натижаларига кўра ҳамюртларимиз жами 14а медал қўлга киритишди. Шулардан 2та олтин, 7та кумуш, 5таси бронза медалидир. 

Терма жамоамизга олтин медалларни ёшлар ўртасида 65 кг вазн тоифасидаги баҳсларда Саидмузаммадхон Аҳмадхонов, 70 кг вазнда эса Сирож Турсунов тақдим этди. Мусобақанинг биринчи куни 4та, иккинчи кунги баҳсларида эса 10та медал қўлга киритилди. 

Зарнигор Абдураҳмонова (45 кг, ҳар икки қўлда 2та кумуш), Мардона Авазова (50 кг), Назокат Солиева (60 кг), Зуҳра Хўжақулова (65 кг), Самандар Икромов (60 кг), Зоҳир Файзуллаев (55 кг) кумуш медал билан тақдирланишди. 

Ҳафиза Тоҳирова (65 кг), Бекзод Олимов (70 кг), Ирода Қодирова (55 кг), Бекзол Олимов (75 кг, ўнг қўлда), Шоҳрух Ўктамов (70 кг) бронза медалига сазовор бўлишди. Жаҳон чемпионати 21 октябрга қадар давом этади.