28 сен 08:22
Янгиликлар
Шахмат
Аронян - жаҳон Кубоги ҳамда 96 000 доллар соҳиби!
Грузия пойтахти Тбилиси шаҳрида шахмат бўйича жаҳон Кубоги якунланди.
Сайёрамизнинг 128 нафар энг кучли шахматчилари иштирок этган мусобақанинг ҳал қилувчи финал баҳсида хитойлик Дин Лижэнь ва арманистонлик Левон Аронян ўзаро тўқнаш келишди.
Ўтказилган 4 та классик партияда кучлар тенг келди – 2:2. Чемпион номи тай-брейкда аниқланди. Унда Аронян 2 та партияда ғалаба қозониб, жаҳон Кубогини қўлга киритди.
Жаҳон Кубогининг умумий мукофот жамғармаси 1,6 миллион долларни ташкил этди. Аронян ғолиб сифатида 96 000 долларга эга бўлди. Финалчи эса 64 000 доллар билан тақдирланди. Ушбу мусобақада қатнашган ҳамюртимиз Жаҳонгир Воҳидов илк даврадаёқ мағлубиятга учраган эди.
Ҳавола :
Ўхшаш янгиликлар
16:33
Нодирбек Абдусатторов 8 соатлик ўйин ўтказди. Самарқандда ўтказилаётган турнирда вазият қандай? 0
Фикрлар