27 мар 15:01
Янгиликлар
Футбол
"Арсенал" Мхитарян борасида таклифларни кўриб чиқади
"Арсенал" раҳбарияти жамоа ярим ҳимоячиси Генрих Мхитарян бўйича бўладиган таклифларни кўриб чиқишга тайёр.
"Тўпчилар" бу йўл билан ёзги трансфер ойнаси учун бюджетни ошириб, тўланадиган умумий маошлар суммасини камайтирмоқчи. Олдинроқ, Лондон клуби устози Унаи Эмерига трансферлар учун 45 млн. фунт берилиши ҳақида хабарлар пайдо бўлган эди.
30 ёшли арманистонлик "Арсенал"нинг энг кўп маош олувчи футболчиларидан бири ҳисобланади. Унинг ҳафталик маоши 180 минг фунт. Мхитарян 2018 йилнинг январида "Манчестер Юнайтед"дан "Арсенал"га ўтган эди. У жорий мавсум АПЛнинг 18та учрашувида иштирок этиб, 6та гол урди ва 4та голли пас берди.
Ҳавола :
Фикрлар