09 фев 15:07
Янгиликлар
Бокс/ММА
Арум нима учун Усик билан шартнома имзоламаганини тушунтирди
Машҳур промоутер Боб Арум нима учун биринчи оғир вазн тоифасида мутлоқ жаҳон чемпиони Александр Усик билан шартнома имзоламаганига изоҳ берди.
Арумнинг айтишича, у 2013 йилда украиналик бошқа бир жаҳон чемпиони Василий Ломаченко билан шартнома имзолаган. Ўша пайтда унда Александр Усик билан ҳам шартнома имзолаш имконияти бўлган.
“Уларнинг ҳар иккиси ҳам ўша пайтда ёнимга келишганди. Мен Усикка таклиф билан чиқдим. Ўшанда мен НВО билан ҳамкорликда ишлардим. Улар Александрнинг вазн тоифаси кенг омма учун унчалик ҳам қизиқ эмаслигини айтишди.
Шу билан Ломаченко билан шартнома имзолаш билан чеклангандим. Айрим қўштирноқ ичидаги ақлли одамларнинг фикрлаши билан яхши имкониятни қўлдан чиқаргандим. Ҳозир вазият ўзгарган. Мен ESPN телеканали билан ишлаяпман”, - деди Арум.
Ҳавола :
Фикрлар