ATP Finals. Феликс Оже-Альяссим Шелтонни мағлуб этди

Дунёнинг саккизинчи ракеткаси Феликс Оже-Альяссим Бьорн Борг гуруҳининг иккинчи тур учрашувида қийин ғалабага эришди. Канадалик иқтидор эгаси рейтингда ўзидан уч поғона юқорида бораётган АҚШ вакили Бен Шелтонни уч сет натижасига кўра мағлубиятга учратди - 4/6, 7/6(7), 7/5.

Бу теннисчиларнинг ўзаро ўтказган иккинчи учрашуви бўлди - 2:0. Икки соату 23 дақиқа давом этган баҳсда Шелтон 7, Оже-Альяссим 9 та эйс зарбасини амалга оширган. Иккала теннисчи ҳам 2 тадан брейкдан унумли фойдаланган. 

Бьорн Борг гуруҳида икки ғалабага эга италиялик Янник Синнер муддатидан аввал квартет ғолиби сифатида 1/2 финалга йўл олди. Иккинчи йўлланма тақдири сўнгги турда ўтказиладиган Александр Зверев ва Оже-Альяссим учрашувида аниқланади. Бен Шелтон икки мағлубият билан билан бу имкониятдан маҳрум бўлиб улгурди.