Аёл кишига қўл кўтариш гуноҳ, тағин билмадим...

Иштирокчилардан бири латвиялик Игорь Коваленко болгариялик аёл гроссмейстер Антоанета Стефановага қарши ўйинда асаблари дош беролмай, рақибига шахмат донасини отиб юборди. 27 ёшли гроссмейстер буни кейинроқ ўзи тан олди.

- Фаолиятим давомида илк бор рақибимга қарата “фигура” ирғитиб юбордим. Вақтдан кечикиш туфайли асабларим дош беролмай қолди, - деди Коваленко.

Гроссмейстернинг Фейсбук ижтимоий тармоғида эътироф этишича, у ўша  заҳотиёқ ўзига келиб, рақибасидан узр сўраган. Қизиғи, у ўша ўйинда мағлубиятга учраган. Жавоб баҳсида эса ғалаба қозона олган.

Таъкидлаш керак, Тошкентда ўтган аёллар ўртасидаги Гран-при турнири иштирокчиси бўлган Антоанета ҳозирда 37 ёшда бўлиб, аёллар ўртасида жаҳоннинг ўнинчи (2004-2006) чемпиони ҳисобланади. 2002 йили Европа чемпионлигини ҳам қўлга киритган. 2012 йили айнан тезкор йўналишда жаҳонда тенгсиз бўлган.