23 дек 19:12
Янгиликлар

Футбол

Азар Бельгияда "Йил спортчиси" бўлди!

Лондоннинг “Челси” клуби вингери Эден Азар Бельгиянинг 2018 йилдаги энг яхши спортчиси деб топилди.

Сўнгги уч йилда илк бор футболчи мамлакатда йил спортчиси дея эътироф этилди. 27 ёшли ярим ҳимоячи сўровда енгил атлетиканинг марафон йўналишида Европа чемпиони Коэн Нэрт ҳамда конькида югуриш бўйича қишки Олимпия ўйинлари совриндори Барт Свингсни ортда қолдирди.

Таъкидлаш жоиз, сўнгги беш йилда учинчи маротаба йил спортчиси номинациясида айнан футболчи ғолиб бўлмоқда. 2014 йилда дарвозабон Тибо Куртуа, 2015 йилда эса “Манчестер Сити” етакчиси Кевин Де Брюйне Бельгияда йил спортчиси деб топилган эди.