Азарнинг кўз ёши билан “Челси” мухлисларига ёзган сўнгги мактуби

“Челси”даги дўстларим ва оиламга! Сиз энди менинг “Реал”га ўтганимни биласиз. Болалигимда биринчи голимни урган вақтимдан бери шундай жамоада ўйнашни орзу қилганим ҳеч кимга сир эмас. Энди эса клублар ҳам келишувга эришди. Фаолиятимда янги босқич бошлаётганимни тушунасиз деган умиддаман. “Челси”дан кетиш фаолиятимдаги энг қийин қарор бўлди. 

“Челси”га келганимда атиги 21 ёшда эдим. Бу ерда ҳам футболчи ҳам инсон сифатида ўсишга эришдим. Сизлар менинг Бельгия терма жамоаси сардорига айланишимда ёрдам бердингиз. Албатта, жамоа учун ҳам шахсан мен учун ҳам қийин даврлар бўлди. Ўйинимиз чиқмаган вақтларда ҳам, майдонда боримни беришга интилдим. Буларнинг барчаси эса, албатта, сизларнинг такрорланмас қўллаб-қувватлашингиз орқали содир бўлди. Бу кураш руҳияти ва хоҳиши. Бу таслим бўлмасликка интилиш. Бу “Челси” маданиятининг бир қисми.

Жамоадан кетишдан олдин, барчангизга ажойиб дўстона муносабат учун ташаккур билдирмоқчиман. Ажойиб даврларни биргаликда ўтказдик. Мистер Абрамович ва жамоа раҳбариятига икки нарса учун раҳмат айтмоқчиман. Биринчиси, “Челси” ўйинчиси бўлганим учун, иккинчиси эса “Реал” аъзосига айланганим учун. Ҳаммага омад тилайман, дўстларим”, - дея мактубига якун ясаган Азар.