24 апр 13:07
Янгиликлар

Бокс/ММА

БАА терма жамоасида ишлаётган ўзбекистонлик мураббий: "Ўзбек боксидаги янгиликларни мунтазам кузатиб бораман"

Бирлашган Араб Амирликлари терма жамоаси мураббийи сифатида фаолият олиб бораётган ўзбекистонлик мураббий Ҳасан Муҳаммедов olamsport.com мухбирига қисқа интервью бериб ўтди.

"2004 йилдан буён хорижий мамлакатларда иш олиб бораман. Дастлаб Бирлашган Араб Амирликлари терма жамоасида иш бошладим. Кейин эса Қувайт, Миср терма жамоаларида ишладим. Мана, Таиланддаги қитъа биринчилигига БАА терма жамоаси устози сифатида ташриф буюрдим.

Ўзбекистон бокси? Боксимизда юз бераётган янгиликларни мунтазам кузатиб бораман. Терма жамоамиз мураббийлари билан гаплашиб тураман. Йигитларимизнинг халқаро турнирлардаги ҳар бир иштирокини кузатаман ва таҳлил қиламан.

Бирлашган Араб Амирликлари терма жамоаси билан Ўзбекистонда кўп йиғин ташкил этиб турамиз. Арабистонлик боксчилар ёмон эмас, фақат кўпроқ меҳнат қилиш керак. Истеъдодли спортчилар бу ерда ҳам топилади.", - деди Ҳасан Муҳаммедов.