15 янв 10:46
Янгиликлар

Футбол

«Барселона» – ягона!

«Барселона» жамоаси Испания чемпионатининг 19-турини сафарда «Реал Сосьедад»га қарши ўтказиб, саккиз йиллик танаффусдан сўнг бу стадиондаги ғалабасиз сериясига чек қўйди.

Шу тариқа, каталонияликлар кечаги 4:2 ҳисобидаги ғалабадан сўнг Испания чемпионатидаги мағлубиятсиз сериясини 19та ўйинга етказиб олишди. «Барселона» 16та ғалаба ва 3та дуранг қайд этган.

Каталонияликлар ТОП-5 Европа чемпионатларида бу мавсум мағлуб бўлмаган ягона клуб бўлиб қолишди. Кеча Англияда «Манчестер Сити» «Ливерпул»га ютқазиб (3:4), ўз сериясини якунлаганди.