Беҳзод Набиев профессионал боксдаги 36-жангини ўтказди

АҚШнинг Колорадо штати Денвер шаҳрида бўлиб ўтган жангда вакилимизга мезбон спортчи Мануэль Перес рақиблик қилди. Саккиз раундга мўлжалланган жанг ғолиби очколар ҳисобига кўра аниқланди.

Афсуски, ҳакамлар жанг якунида бир овоздан - 79:73, 80:71, 79:72 ҳисобида ғалабани Пересга тақдим этишди.

Шу тариқа, америкалик боксчи фаолиятидаги 28-ғалабасини қўлга киритди. Унинг ҳисобида 12та мағлубият ва битта дуранг бор. Беҳзод эса 10-мағлубиятини қабул қилиб олди. У 25та жангда рақибларини мағлуб этган.