Бекзод Абдураҳмонов бошчилигидаги эркин курашчиларимиз жаҳон чемпионатидаги рақибларини билиб олишди

Жаҳон чемпионати доирасидаги эркин кураш мусобақасига қуръа ташланиб, терма жамоамиз аъзолари илк босқичдаги рақибларини билиб олишди. Токио Олимпиадасининг бронза медали совриндори Бекзод Абдураҳмонов 1/16 финалда туркиялик Муҳаммад Акденизга қарши гиламга чиқади. У Олимпиададан кейин 86 кг вазнда курашиб келаётганди. Лекин жаҳон чемпионатида 79 кг вазнда медаллар учун беллашади. 

Терма жамоамиз мураббийлар штаби Белград мезбонлигида ўтаётган жаҳон чемпионатига 92 ва 97 кг вазн тоифасидаги эркин курашчиларни олиб кетишмаган. Қолган 8 та вазнда ўзбекистонлик курашчилар медаллар учун гиламга чиқадилар. 

Эркин курашчиларимиз учун қуръа натижалари:

57 кг: 1/16 финал. Ғуломжон Абдуллаев - Диамантино Фафе (Гвинея-Бисcау)

61 кг: 1/16 финал. Жаҳонгирмирзо Туробов - Али Абурумайла (Фаластин)

65 кг: 1/16 финал. Аббос Раҳмонов - Маурисе Мчейл (Канада)

70 кг: 1/16 финал. Иляс Бекбулатов - Энтони Уэсли (Кабо-Верде)

74 кг: 1/16 финал. Асомиддин Ҳасанов - Сонер Демирташ (Туркия)

79 кг: 1/16 финал. Бекзод Абдураҳмонов - Муҳаммад Акдениз (Туркия)  

86 кг: 1/16 финал. Бобур Исломов - Шота Шираи (Япония)

125 кг: 1/16 финал. Ҳасанбой Раҳимов - Магомедгаджи Нурасулов (Сербия)