19 май 15:08
Янгиликлар

Бокс/ММА

Бенавидес WBC камарини россиялик боксчидан ҳимоя қилади

Профессионал бокснинг иккинчи ўрта вазн тоифасида WBC йўналиши чемпиони Дэвид Бенавидес (21-0, 17КО) иккинчи ҳимоя жангини ўтказади.

Мексикалик 21 ёшли енгилмас жаҳон чемпиони 28 июль куни АҚШнинг Лос-Анжелес шаҳрида рингга кўтарилади. Унинг рақиби россиялик 35 ёшли Матвей Коробов (28-1, 14КО) бўлади.

Бу Матвей учун фаолиятидаги иккинчи чемпионлик жанги бўлади. Коробов 2014 йилнинг декабрь ойида ўрта вазн тоифасида ўша пайтдаги WBO чемпиони Энди Лига олтинчи раундда техник нокаут эвазига мағлуб бўлганди.