Билиб қўйган яхши: спортда энг кўп учрайдиган 5 та допинг моддаси

Допинг — организмнинг руҳий ва жисмоний фаолиятини қисқа муддат кучайтирадиган моддалар ҳисобланади. Маълумки, спортда допинг моддаларидан фойдаланиш қатъийан таъқиқланади. Аммо, бир пайтлар допинг моддаларидан спорт ўйинлари натижаларини яхшилаш мақсадида фойдаланилган. 

Спортчилар орасида допинг моддаларидан заҳарланиш ва ўлим ҳолатлари кузатилганлиги учун Халқаро олимпия қўмитаси 1967 йилдан спорт ўйинлари чоғида допинг қабул қилишни ман этган ва қатъий назорат ўрнатган. Қатъий қонун қоидаларга кўра, ҳозирда допинг ишлатган спортчилар мусобақалардан ҳатто бир неча йилга четлаштирилади.

Допинг сўзи инглизча doping, dope сўзларидан олинган бўлиб, “наркотиклар бермоқ” деган маънони англатади. Бугунги кунда допинг моддаларининг бир нечта турлари мавжуд. Ҳозир эътиборингизга спортда энг кўп учрайдиган 5 та допинг моддаси ҳақида маълумот бериб ўтамиз.

1. ЭПО (эритропоэтин). Кўпроқ циклик спорт турларига мансуб: велоспорт, чанғи спорти, биатлон, сузиш ва бошқалар.

2. Анаболик стероидлар (тестестерон, станозолол, нандролон, метенолон). Кўпроқ енгил ва оғир атлетика, сузиш, чанғи спорти ва бошқаларга мансуб.

3. Диуретиклар, ёки сийдик хайдовчилар (хлорталидон, ацетазоламид, триамтерин, фуросемид). Кўпроқ бадиий гимнастика, фигурали учиш, енгил ва оғир атлетикага мансуб.

4. Қон ва қон компонентларини қуйиш. Кўпроқ велоспорт, енгил атлетика, чанғи спорти ва бошқаларга мансуб.

5. Нейростимуляторлар, ёки руҳиятни қўзғатувчилар (кокаин, эфедрин, экстази ва амфетаминлар). Улар деярли барча спорт турларига мансуб – боксдан бошлаб то бадиий гимнастикагача.