11 май 12:39
Янгиликлар

Бокс/ММА

Билолбек Мирзараҳимов Хабаровскдаги мусобақа ярим финалида жанг ўтказди

Россия Федерациясининг Хабаровск шаҳрида бокс бўйича Совет Иттифоқи қаҳрамони Константин Коротков хотирасига бағишланган халқаро турнир бўлиб ўтмоқда.

Бугун мусобақада ярим финал жанглари ўтказилмоқда. -69 кг вазн тоифасида юртимиз шарафини ҳимоя қилаётган Билолбек Мирзараҳимов россиялик Максим Рожковга қарши рингга кўтарилди.

Жангда ташаббусга эга бўлган боксчимиз рақибини мағлубиятга учратди ва финал йўлланмасини қўлга киритди.

Бироздан сўнг мусобақа доирасида +91 кг вазн тоифасидаги боксчиларимиз Улуғбек Мубинов ва Лазизбек Муллажонов рингга кўтарилади. Боксчиларимиз ярим финалда ғолиб бўлсалар, финалда ўзаро тўқнаш келадилар.