Бир йиллик танаффусдан сўнг рингга қайтган Лебедев нокаут эвазига ғалаба қозонди

Оқшомнинг марказий жанги биринчи оғир вазн тоифаси WBA йўналишида “таътилдаги чемпион” Денис Лебедев иштирокида бўлиб ўтди. Россиялик боксчи бир йилдан ошиқроқ вақт мобайнида жангларда иштирок эта олмаётган эди. 

Лебедев туркиялик Хизни Алтункаяга қарши рингга кўтарилди. Жанг узоқ давом этмади. Учинчи раундда Лебедевнинг чап қўлда йўллаган аниқ ва кучли зарбасидан сўнг Алтункая нокаутга учради. Рефери саноқни якунига етказган пайтда ҳам туркиялик боксчи ўрнидан қўзғала олмади.