06 авг 12:48
Янгиликлар

Бокс/ММА

Бивол ва Альварес бирлаштирувчи чемпионлик жанги учун розилик беришди

Профессионал бокснинг ярим оғир вазн тоифасида WBO ва WBA йўналишлари чемпиони бўлиб турган Элейдер Альварес ҳамда Дмитрий Бивол бирлаштирувчи чемпионлик жанги ўтказишга рози эканликларини маълум қилишди.

WBA чемпиони ҳисобланган Бивол кеча Атлантик-Сити шаҳрида ўтган жангда чемпионлик камарини ҳимоя қилди. Колумбиялик Элейдер Альварес эса россиялик Сергей Ковалёвни мағлубиятга учратиб, WBO камарини қўлга киритди.

Иккала боксчи ҳам бирлаштирувчи чемпионлик жангида рингга кўтарилишга розилик беришган. Бивол ҳамюрти учун реванш олиб, чемпионлик камарини яна Россияга қайтаришни мақсад қилганини ўз интервьюсида айтган.