12 окт 10:20
Янгиликлар
Бокс/ММА
Бивол WBA йўналишининг тўлақонли чемпиони деб эълон қилинди
Россиялик боксчи Дмитрий Бивол ярим оғир вазн тоифасида WBA йўналишининг тўлақонли чемпиони сифатида эълон қилинди.
Бивол шу кунгача WBA йўналишида вақтинчалик чемпион мақомида эди. Ташкилот энди уни расман тўлақонли чемпион сифатида эълон қилди. Бу маълумотни шахсан WBA президенти Гилберто Мендоса тасдиқлади.
Эслатиб ўтамиз, ўтган ойда ушбу йўналиш чемпионлиги уч боксчига тегишли бўлиб турганди. Ўшанда Андре Уорд суперчемпион, Баду Жек чемпиони, Дмитрий Бивол эса вақтинчалик чемпион эди.
Уорд фаолиятини расман якунлади. Баду Жек эса ўз унвонидан воз кечди. Натижада Бивол автоматик равишда ушбу йўналишнинг тўлақонли ягона чемпионига айланди. Энди у 120 кун ичида ўз чемпионлик камарини ҳимоя қилиши шарт бўлади.
Ҳавола :
Фикрлар