“Black” лақабли ММА жангчимиз ғалабаси эвазига “Лада Грант” автомобилига эга бўлди

Унда мезбонлардан ташқари Ўзбекистон, Туркманистон, Россия ва Қирғизистон давлатларининг кўзга кўринган ММА жангчилари иштирок этишди. Ҳамюртларимиз иштирокидаги жанглар эса барчанинг диққат эътиборида бўлди.

Жумладан, 84 кг вазн тоифасидаги вакилимиз “Black” номи билан танилган Нурсултон Розибоев Гран-прининг “Кучлилар жанги” финалида жанг қилди. У ҳал қилувчи финал баҳсида мезбон спортчи Арман Алимовни катта устунлик билан енгди.

Маълумот учун, Нурсултон Рўзибоев дастлаб қирғизистонлик Рамазон Имбатовни, кейин эса қозоғистонлик Артём Резниковни мағлубиятга учратган эди. Ушбу ғалабаси эвазига Нурсултон “Black” Розибоев бош мукофот - “Лада Грант” автомобили билан тақдирланди. 

Шунингдек, ушбу турнирда ҳамюртларимиздан Отабек Жабборов, Элёр Нормирзаев, Александр Столяров, Суҳроб Усмонов, Ҳусниддин Нишонов, Рустам Саидмуродов, Юсуф Рустамов ҳамда Талгат Холмуродов ҳам муваффақиятли жанг ўтказиб, якунда ғолиб ва совриндорлар сафида жой олишди.