Бокс. Осиё чемпионатида боксчиларимиз 9 та олтин медални қўлга киритдилар

Шу тариқа Осиё чемпионатининг сўнгги кунидан олиб борган матнли трансляциямизни якунлаймиз.

19:30. Шаҳрам Ғиёсов ва Баҳодир Жалоловлар олтин медални қўлга киритдилар.

18:32. Кутиб олинг, рингга боксчимиз чиқиб келмоқда.

18:16. Бироздан сўнг Шаҳрам Ғиёсов рингга кўтарилади.

18:05. Жанглар бошланди. Айни пайтда жанубий кореялик ва суриялик боксчилар ЖЧ йўлланмаси учун жанг қилмоқдалар.

17:55. -69 кг вазн тоифасидаги боксчилар жангларга тайёргарлик кўрмоқдалар. Хабарингиз бор, ушбу вазн тоифасида Шаҳрам Ғиёсов финал жангини ўтказади.

17:35. Бу орада ҳозирча бўлиб ўтган жанглар ва тақдирлаш маросимидан ФОТОГАЛЕРЕЯ сайтимизга жойлаштиирилди. Томоша қилинг!

16:09. Осиё чемпионатининг сўнгги кунида танаффус эълон қилинди. Навбатдаги жанглар соат 18:00да бошланади.

16:04. ВИДЕО. Иқболжон Холдоровнинг финалдаги ғалабасини томоша қилинг

16:03. ВИДЕО. Жасурбек Латиповнинг финалдаги ғалабасини томоша қилинг

16:02. ВИДЕО. Ҳасанбой Дўсматов Осиё чемпиони!

15:55. Айни дамда боксчиларга медал тақиш (тақдирлаш) маросими бўлиб ўтмоқда.

15:48. Латипов ва Ҳолдоров Ўзбекистон байроғини яна икки маротаба юқори кўтарилишига сабаб бўлишди. Уларни олтин медаллар билан табриклаймиз!

14:55. Энди -52 кг вазн тоифасидаги жанглар бошланди. Ушбу вазнда вакилимиз Жасурбек Латипов жанг ўтказади. Тахминан 20 дақиқалардан сўнг юртдошимиз иштирокидаги жангни кўрамиз.

14:48. ҒАЛАБА! Ҳасанбой Дўсматов Осиё чемпионати олтин медали соҳибига айланди! Бизда навбатдаги олий пробали медал!

14:44. Ҳасанбой Дўсматов иштирокидаги жангнинг иккинчи раунди ҳам якунланди. Кичик танаффусдан сўнг ҳал қилувчи раунд бошланади.

14:39. Ҳасанбой Дўсматов биринчи раундда мўғулистонлик рақибини мағлуб этди десак адашмаган бўламиз. 

14:22. Яна бироздан сўнг ҳамюртимиз Ҳасанбой Дўсматов финал жангини ўтказади.

14:17. Куннинг илк жангида Индонезиядан ташриф буюрган боксчи Қозоғистон вакилини мағлубиятга учратди ва ЖЧ лицензияси соҳибига айланди.

14:07. Томошабинлар қаторида Руслан Чагаев ҳам бор! Тез орада Чагаев билан интервьюни сайтимиз орқали ўқишингиз мумкин бўлади.

14:00. Дастлабки жанглар бошланди. Биринчи бўлиб -49 кг вазн тоифасида ЖЧ йўлланмалари учун жанглар бўлиб ўтади.

13:40. Жанглар бошланишига 20 дақиқа қолганида "Ўзбекистон" спорт мажмуаси мухлислар билан лиқ тўлди!

13:35. Бугун Ўзбекистон боксчилари иштирокида 5 та финал бизни кутиб турибди. Бугунги жангларда иштирок этадиган боксчиларимиз рўйхати билан яна бир маротаба таништириб ўтамиз:

Ҳасанбой Дўсматов - Ган Эрдене Ганхуянг (Моғулистон)

Жасурбек Латипов - Ин Кю Ким (Жанубий Корея)

Чинзориг Батарсух (Моғулистон) - Иқболжон Холдоров

Шаҳрам Ғиёсов - Аблаихон Жусупов (Қозоғистон)

Баҳодир Жалолов - Қамишбек Конкабаев (Қозоғистон)

13:30. Ассалому алайкум ҳурматли бокс ишқибозлари. Биз яна "Ўзбекистон" спорт мажмуасидамиз. Бокс бўйича Осиё чемпионатининг сўнгги кунидан матнли-трансляциямизни бошлаймиз.