18 июн 14:42
Янгиликлар
Бокс/ММА
Боксчиларимиз Алматидаги турнирда 4 та медаль қўлга киритишди
Алмати шаҳрида бокс бўйича Қозоғистон спорт ва туризм академияси президенти К.К.Закиряновнинг 75 йиллик таваллудига бағишланган халқаро турнир ниҳоясига етди.
Беллашувларда Қозоғистон, Россия, Қирғизистон, Мўғулистон, Хитой ҳамда Ўзбекистондан ташриф буюрган 93 нафар чарм қўлқоп устаси совринли ўринлар учун кураш олиб борди.
Мусобақа якунларига кўра, ўзбекистонлик боксчилар (Хоразм вилояти терма жамоаси) 2 та олтин ҳамда 2 та кумуш медалга сазовор бўлишди. Ҳамюртларимиздан Жамшид Худойберганов (+91 кг) ва Ражаббой Атаназаров (-75 кг) олтин, Жаҳонгир Йўлдошев (-69 кг) ва Илҳом Ҳасанов (-60 кг) кумуш медалларни қўлга киритишди.
Ўзбекистон бокс федерацияси матбуот хизмати
Ҳавола :
Фикрлар