Боксчиларимизнинг янги мавсумдаги илк йиғини давом этмоқда

Терма жамоамизнинг биринчи, иккинчи ва учинчи рақамли чарм қўлқоп усталари Тошкент вилоятидаги Янгиобод ўқув-машғулот базасида йиғинга киришишган. Бу жорий йил ҳисобидан илк йиғин ҳисобланади. 

Боксчиларимизни 2018 йилда муҳим мусобақалар кутиб турибди. Улар орасида энг муҳими Индонезияда бўлиб ўтадиган Осиё ўйинларидир. Бундан ташқари, чарм қўлқоп усталаримиз кўплаб халқаро мусобақаларда ҳам юртимиз спорт шарафини ҳимоя қилишади.

Шунингдек, Бутунжаҳон бокс сериясининг навбатдаги мавсумида “Ўзбек йўлбарслари” (“Uzbek Tigers”) жамоаси ҳам иштирок этади.