Болалар шахмат фестивали ғолиблари аниқланди

Унда элликка яқин ўғил-қиз ғолиблик учун баҳслашди.

Ўзбекистон шахмат федерацияси томонидан ташкил этилган фестивалнинг мазкур босқичида ҳар бир ёш гуруҳида биринчи ва иккинчи ўринни эгаллаган шахматчилар декабрь ойида ўтадиган ярим финал босқичида қатнашиш ҳуқуқига эга бўлади.

Мусобақанинг 8 ёшгача қизлар баҳсида Афрўзабону Рўзиматова етти имкониятдан етти очқо жамғариб, биринчи ўринни эгаллади. Мубина Рашидова иккинчи, Ҳабиба Абдумўминова учинчи бўлди. Ўғил болалар ўртасида Алишер Умрзоқов олтин, Умаржон Баҳодиров кумуш ва Шоҳрух Тўйчиев бронза медаль билан тақдирланди.

Ўн ёшгача ўғил-қизлар ўртасида Комила Асомиддинова, Сабина Йўлдошева, Музаффар Тожибоев, Мираброр Мирпўлатов, Мирмаҳмуд Илёсов ғолиб ва совриндорлар қаторидан жой олди.

Ўн икки ва ўн тўрт ёшгача ўғил болалар баҳсида Соҳибжон Элмуродов, Асадбек Бобоқулов, Аброрбек Абдужабборов, Довуд Сулаймонов, Элбек Сулаймонов ва Ҳожиакбар Одилов совринли ўринларни эгаллади.