13 апр 09:16
Янгиликлар

Бокс/ММА

Бош мураббий нима учун Латипов ва Норалиев таркибга жалб қилинмаганини айтди

Яна бир неча кундан сўнг Таиланд пойтахти Бангкок шаҳрида бокс бўйича Осиё чемпионати бошланади.

Кеча Ўзбекистон бокс федерацияси томонидан ташкил этилган матбуот анжуманида терма жамоа мураббийлари, федерация мутасаддилари бир қанча саволларга жавоб қайтаришди.

Терма жамоамиз бош мураббийи Марат Қурбонов мусобақага нима учун Жасурбек Латипов ва Алиёр Норалиев каби етакчиларимиз олиб кетилмаётганига изоҳ берди.

"Жасурбек Латиповнинг жароҳат олгани учун унинг ўрнига Нодир Мирзааҳмедов Осиё чемпионатида иштирок этади. Алиёр Норалиев Бокудаги мусобақада жароҳат олгани учун Шунқор Абдурасулов -64 кг вазн тоифасига кўтардик. -60 кг вазн тоифасида эса Шукуржон Раҳимов Осиё чемпионатида юртимиз шарафини ҳимоя қилади", - деди Марат Қурбонов.