21 фев 11:18
Янгиликлар

Бокс/ММА

Бремерни WBSS ярим финалида мағлубияти йўқ боксчи алмаштирди

Германиялик фахрий боксчи Юрген Бремернинг инфекция сабаб Бутунжаҳон бокс суперсерияси (WBSS) турнирининг ярим финалида рингга чиқа олмаслиги маълум бўлганди.

Ташкилотчилар унинг ўрнига иккинчи ўрта вазн тоифасидаги ушбу ярим финал жуфтлигига Никки Хольцкенни тайинлашди. Голландиялик бу боксчи мағлубият нималигини билмай келяпти. Британиялик Каллум Смитга қарши жанг 24 февраль куни Нюрнберг шаҳрида ўтказилади.

Эслатиб ўтамиз, WBSS турнирининг иккинчи ярим финал жангида британиялик Жорж Гроувс (28-3, 20 КО) ҳамюрти Крис Юбенкни (26-2, 20 КО) мағлубиятга учратганди. Финал жанги 2 июнь куни Лондонда ўтказилиши керак.