Бу қизиқ! Бокс бўйича Осиё чемпионатида терма жамоамиздан ташқарида фаолият олиб бораётган мутахассисларни биласизми?

Бу эса ўзбекистонлик мутахассисларнинг тажрибасига, маҳоратига бўлган қизиқишни янада оширади. 

Бугун биз Осиё чемпионатида терма жамоамиз делегациясидан ташқарида фаолият олиб бораётган тўрт нафар ўзбекистонлик мутахассис ҳақида маълумот бериб ўтмоқчимиз. 

Владимир Шин

Ўзбекистонда хизмат кўрсатган мураббий, тажрибали мутахассис Япония терма жамоаси сафида бош мураббий сифатида фаолият олиб бормоқда.

Александр Ҳамидов

Халқаро тоифадаги AIBA ҳаками, бир қатор нуфузли мусобақаларда ишлаган. Бангкокдаги қитъа биринчилигида ҳам рефери сифатида фаолият кўрсатмоқда. 2018 йил якунларига кўра, Осиёда "Йилнинг энг яхши ҳаками" унвонига сазовор бўлган.

Ҳасан Муҳаммедов

Ўзбекистонлик тажрибали мураббий. Бир қатор хорижий мамлакатлар терма жамоасига устозлик қилган. Таиланддаги Осиё чемпионатига Бирлашган Араб Амирликлари терма жамоаси боксчилари мураббийи сифатида ташриф буюрган.

Дилшод Казаков

Халқаро тоифадаги AIBA шифокори. Олимпия ўйинлари, жаҳон чемпионатларида хам фаолият олиб борган. 2018 йилда "Осиёда йилнинг энг яхши техник мутахассиси" йўналишида тенгсиз бўлган.