23 апр 09:31
Янгиликлар

Шахмат

Бугун 20 000 доллар соврин жамғармасига эга “Tashkent Open XII” халқаро турнири бошланади

Бугун пойтахтимизда шахмат бўйича Ўзбекистоннинг биринчи гроссмейстери Георгий Агзамов хотирасига бағишланган “Tashkent Open XII” халқаро турнири старт олади.

Мусобақада 13 мамлакатдан келган 200га яқин шахматчилар ғолиблик йўлида ўзаро рақобатлашади. Ўз тарихида ўн иккинчи бор ўтказилаётган халқаро турнирнинг соврин жамғармаси 20 000 АҚШ долларини ташкил қилади. Ғолиб шахматчи 3 000 долларга эга бўлади.

Ўзбекистон, Испания, Бельгия, Украина, Беларусь, Россия, Молдова, Қозоғистон, Тожикистон каби кучли шахматчиларга эга бўлган терма жамоалар мусобақада ғолибликка асосий даъвогар ҳисобланмоқда.

Бугун соат 14:00да “Tashkent Open XII” халқаро турнирининг тантанали очилиш маросими бўлиб ўтади. Беларуслик халқаро гроссмейстер Кирил Ступак (2556) турнирнинг биринчи рақамли шахматчиси ҳисобланади. Ҳамюртимиз халқаро гроссмейстер Жаҳонгир Воҳидов (2542) тўртинчи рақам остида таснифланган.