10 янв 08:36
Янгиликлар

Теннис

Бугун Абдураимова Флоридада иккита учрашув ўтказади

Хабар берганимиздек, мамлакатимизнинг иккинчи ракеткаси Нигина Абдураимова янги мавсумдаги илк иштирокини океан ортида бошлайди.

Ҳамюртимиз бугундан АҚШнинг Флорида штати Дайтона Бич шаҳрида асосий тўр баҳслари бошланган “Фьючерс” туркумига кирувчи мусобақадаги иштирокини бошлайди. Мусобақанинг соврин жамғармаси 25 000 АҚШ долларини ташкил қилади.

Бугун Абдураимова илк даврада мусобақанинг иккинчи ракеткаси норвегиялик Улрикке Элкерига қарши кортга чиқади. 25 ёшли Элкери дунё рейтингида 218, 23 ёшли Абдураимова эса 320-ўринни эгаллаб турибди.

Шунингдек, бугун Нигина Абдураимова жуфтлик мусобақасида ҳам кортга чиқади. Ҳамюртимиз Хитой Тайпейи вакиласи Чин-Вен Хсу билан тандем ҳосил қилган.