22 ноя 08:49
Янгиликлар

Шахмат

Бугун амалдаги жаҳон чемпиони очко йўқотса, “тож” янги соҳибасининг қўлига ўтади

Россиянинг Ханти-Мансийск шаҳрида ўтказилаётган шахмат бўйича аёллар ўртасида нокаут тизимидаги жаҳон чемпионати ўзининг ҳал қилувчи палласига кирди.

Жаҳон чемпионатининг соврин жамғармаси 450 000 АҚШ долларини ташкил қилади ва ғолиб шахматчи 60 000 долларга эга бўлади. Амалдаги жаҳон чемпиони хитойлик Жу Вен Жун россиялик Катерина Лагнога қарши кечаётган финал баҳсида жуда қийин ҳолатга тушиб қолди.

Лагно финалнинг учинчи партиясида қора доналарда ҳаракат қилиб, дурангга имзо чекди. Бундан олдинга партияда ғалаба қозонгани Лагнога устунлик тақдим этган. Агар бугун оқ доналарда ўйнайдиган Катерина рақибасини мағлубиятга учратса, жаҳон чемпионига айланади.

Мусобақа регламентига кўра, финалда биринчи бўлиб 2,5 очко жамғарган шахматчи жаҳон тожини қўлга киритади. Бугунги тўртинчи партия олдидан Катерина Лагно амалдаги жаҳон чемпионинини 2:1 ҳисобида мағлуб этмоқда.