29 дек 11:28
Янгиликлар
Шахмат
Бугун блиц йўналишида жаҳон чемпионати бошланади
Саудия Арабистони пойтахти Ар-Риёд шаҳрида шахматнинг рапид ва блиц йўналишлари бўйича жаҳон чемпионати бўлиб ўтмоқда.
King Salman World Rapid and Blitz Chess Championships мусобақасида 55 давлатдан 200 нафардан зиёд дунёнинг энг кучли гроссмейстерлари иштирок этяпти.
Бугун блиц йўналишида жаҳон чемпионати баҳслари старт олади. Тошкент вақти билан соат 16:00да бугунга белгиланган учрашувлар бошланади. Мазкур жаҳон чемпионатида ўзбекистонлик икки гроссмейстер – 17-жаҳон чемпиони Рустам Қосимжонов (2679) ва Гулруҳбегим Тоҳиржонова (2171) юртимиз шарафини ҳимоя қилишяпти.
Эслатиб ўтамиз, кеча жаҳон чемпионатида рапид, яъни тезкор шахмат бўйича баҳслар якунланди. Хотин-қиз шахматчилар ўртасидаги баҳсларда хитойлик Цзюй Вэньцзюнь 11,5 очко тўплаб, жаҳон чемпионига айланди. Эркаклар ўртасида ҳиндистонлик Вишванатан Ананд чемпион бўлди.
Ҳавола :
Манба : olamsport.com
Фикрлар