Бугун чемпионлик жанги, Лебедев ва Гасиев тарозига чиқишди

Оқшомнинг марказий жанги биринчи оғир вазн тоифасида IBF ва WBA чемпионлик камарлари учун бўлиб ўтади. Унда ушбу чемпионлик титуллари соҳиби бўлиб турган россиялик Денис Лебедев ҳамюрти Мурат Гассиевга қарши рингга кўтарилади.

Анъанага кўра, жанг олдидан боксчилар тарозидан ўтиш маросимида иштирок этишди. Унда Лебедев (29-2-0, 22 КО) 90,6 кг, Гассиев (23-0-0, 17 КО) эса 90,0 кг тош босди. Яъни чемпион даъвогардан 600 граммга оғирроқ чиқди.

Маълумот учун, агар бугунги жангда Гассиев ғалаба қозонса, у ҳолда фақат IBF чемпионлик камарини қўлга киритади. Боиси, Мурат фақат ушбу йўналишда мажбурий даъвогар ҳисобланади.