05 ноя 15:13
Янгиликлар

Теннис

Бугун Дўстов Братислава турнирида иккинчи учрашувини ўтказади

Тажрибали теннисчимиз Фаррух Дўстов Словакиянинг Братислава шаҳрида ўтказилаётган “Челленжер” туркумига кирувчи турнирда иштирок этяпти.

Ҳамюртимиз соврин жамғармаси 106 000 еврони ташкил қилувчи ушбу турнирнинг саралаш баҳсларида ўз имкониятини синовдан ўтказяпти. Бугун у иккинчи босқичда саралашнинг учинчи ракеткаси хорватиялик Франко Шкугорга қарши кортга чиқади.

Бу теннисчи дунё рейтингида 295-ўринни эгаллаб турибди. Дўстов эса хатто 1000 талик рейтингда ҳам йўқ. Фаррух илк даврада чилилик Ганс Подлипник-Кастильони 1 соату 34 дақиқа давом этган баҳс якунида 6:3, 4:6, 6:2 ҳисобида мағлубиятга учратганди.