16 сен 11:51
Янгиликлар

Бокс/ММА

Бугун енгилмас боксчимиз собиқ жаҳон чемпионига қарши рингга чиқади

Бугун Украина пойтахти Киев шаҳридаги Akka International аренасида профессионал бокси кечаси ташкил этилади.

Оқшомнинг марказий жанги ҳамюртимиз иштирокида бўлиб ўтади. Фаолиятида мағлубият нималигини билмай келаётган Жамшид Нажмиддинов ярим ўрта вазн тоифасида собиқ WBC чемпиони украиналик Виктор Постолга қарши рингга кўтарилади.

Кеча боксчиларни тарозидан ўтказиш маросими бўлиб ўтди. Ҳар икки боксчи белгиланган вазн меъёрини бажаришди. Бугунги жанг 10 раунддан иборат бўлади. Ғолиб боксчи кейинчалик чемпионлик камарига даъвогарлик қилиши мумкин.

Маълумот учун, Нажмиддинов бугунгача 14 та жанг ўтказган ва уларнинг барчасида ғалаба қозонган. Ҳисобида 9та нокаут бор. Виктор Постол эса 29 та жангдан 28 тасида ғалабага эришган. Фақат бир маротаба Теренс Кроуфордга қарши жангда у WBC чемпионлик камарини бой бериб қўйган.