Бугун финал: “Astana Arlans” vs “Cuba Domadores”

Турнирнин ҳал қилувчи финал баҳси Астана шаҳрида бўлиб ўтади. Унда Қозоғистоннинг “Astana Arlans” жамоаси мусобақанинг амалдаги чемпионлари Кубанинг “Cuba Domadores” боксчиларига қарши рингга кўтарилади.

Кеча бугунги жанглар олдидан боксчиларни тарозидан ўтказиш маросими ўтказилди. Бугун боксчилар 10та вазн тоифасида рингга кўтарилишади. Ҳисоб тенг - 5:5 бўлиб қолган тақдирда 52 кг вазн тоифасида қўшимча жанг ўтказилади.

Финал жуфтликлари:

49 кг: Темиртас Жусупов — Йоханус Аргилагос

52 кг Олжас Саттибаев — Йосбани Вейтиа

56 кг: Ильяс Сулейменов — Хавьер Ибаньес

60 кг: Закир Сафиуллин — Лазаро Альварес

64 кг: Дилмурат Мижитов — Энди Круз

69 кг: Асланбек Шимбергенов — Роньель Иглесиас

75 кг: Абилхан Аманкул — Арлен Лопес

81 кг: Арман Рисбек — Хулио Ла Крус

91 кг: Антон Пинчук — Эрисланди Савон

+ 91 кг: Олжас Бокаев — Йоандри Тоирак.

Қўшимча жанг, 52 кг: Олжас Байниязов — Фрэнк Залдивар.

Маълумот учун, “Cuba Domadores” ва “Astana Arlans” жамоалари шу кунгача икки маротабадан ушбу мусобақада бош мукофотни қўлга киритишган. Ўтган йили Тошкентда ўтган финалда кубалик боксчилар британиялик рақибларидан устун келишганди.

Эслатиб ўтамиз, мамлакатимизнинг “Uzbek Tigers” боксчилари гуруҳда Россиянинг “Patriot Boxing Team”, Хитойнинг “China Dragons” ҳамда айнан Қозоғистоннинг “Astana Arlans” жамоалари билан тўқнаш келишганди.

Эътиборлиси, “Astana Arlans”нинг ягона мағлубиятини бизнинг боксчилар тақдим этишганди. “Uzbek Tigers” ярим финалда “Cuba Domadores” жамоасига ютқазиб қўйганди. Самарқандда 3:2 ҳисобида зафар қучган боксчиларимиз Гаванада 1:4 ҳисобида мағлуб бўлишган эди.