21 апр 12:59
Янгиликлар

Футбол

Бугун "Навбаҳор" "Сурхон"ни синовдан ўтказади, "Металлург" Жиззахда меҳмон бўлади

Бугун Ўзбекистон Суперлигасида 5-туридан ўрин сўнгги икки учрашув ўтказилади.

Ўтган турда илк бор ғалабага эришган "лочинлар" бу мавсум ҳали мағлубият аламини тотиб кўрмаган "Сурхон"га қарши ўйнайди. Намангандаги стадион майсаси ҳали тайёр бўлмагани боис учрашув Фарғонадаги "Истиқлол" стадионида бўлиб ўтади.

Бу жамоалар "Навбаҳор" майдонида 12 марта тўқнаш келишган. Эътиборлиси бу ўйинларнинг барчасида "Навбаҳор" ғолиб бўлган. Яъни "Сурхон" ҳозирга қадар бу рақиб майдонида биронта очко ололмаган.

Ўтган йил "Навбаҳор"да ўйнаган Аъзам Алиев, Аюбхон Нўъмонов, Дарко Станоевич, Азамат Алланиязов, Дилшод Жабборов ва Сарвар Солиев бу йил "Сурхон" шарафини ҳимоя қилишмоқда.