23 июн 10:36
Янгиликлар

Теннис

Бугун Омонмуродова Швецияда иккинчи ракеткага қарши ўйнайди

Тажрибали теннисчимиз Оқгул Омонмуродова Швециянинг Ястад шаҳри мезбонлик қилаётган турнирдаги иштирокини муваффақиятли давом эттирмоқда.

Ҳамюртимиз соврин жамғармаси 25 минг АҚШ долларини ташкил қилувчи ушбу мусобақада саккизинчи рақам остида ҳаракат қиляпти. Бугун вакиламиз чорак финал учрашувида турнирнинг иккинчи ракеткаси чилилик Даниэла Сегуэлга қарши кортга чиқади.

Эслатиб ўтамиз, Оқгул кеча иккинчи давра учрашувида сербиялик Деяна Радановични 6:3, 6:0 ҳисобида мағлуб этганди.