14 янв 15:36
Янгиликлар

Футбол

Бугун Ўзбекистон чемпиони 4 карра Шотландия чемпионига қарши ўйнайди

БААнинг Дубай шаҳрида ўқув-машғулот йиғини олиб бораётган Тошкентнинг "Локомотив" клуби бугун илк ўртоқлик ўйинини ўтказади.

"Локомотив"га бугун Шотландиянинг энг номдор жамоаларидан бири, Шотланд Примиершипининг ўтган мавсумида кумуш медалларига эга чиққан "Абердин" клуби рақиблик қилади. Мазкур жамоаларнинг тўқнашуви Jebel Ali спорт мажмуаси ўйингоҳида бўлиб ўтади. Учрашув Тошкент вақти билан соат 17:00да бошланади.

Таъкидлаш жоизки, Европада ҳам ўз нуфузига эга бўлган "Абердин" 4 карра Шотландия чемпиони, 7 карра Шотландия кубоги соҳиби саналади. Бундан ташқари ушбу клуб УЕФА кубок эгалари кубоги ва УЕФА Суперкубогида ғолиб чиққан.