16 сен 09:25
Янгиликлар
Бугун Ўзбекистон – Швейцария учрашуви бошланади
Бу икки терма жамоа Жаҳон лигасига чиқиш учун плей-офф ўйинида иштирок этишади. Аввал хабар берганимиздек, Тошкентга келган терма жамоа таркибидан Швейцария теннисининг уч нафар энг кучли ракетка усталари жой олмаган. Дунёнинг учинчи ракеткаси, US Open-2016 ғолиби Стэн Вавринка, тўртинчи ракетка Рожер Федерер ҳамда дунё рейтингида 144-поғонадан жой олган Марко Кьюдинелли Тошкентга келмаган.
Қуръа натижасига кўра, бугунги яккалик баҳсларини Денис Истомин ҳамда Энтони Бельерлар бошлаб беришади. Истомин дунё рейтингада 113, Бельер эса 507-ўриндан жой олган. Шундан сўнг кортга иккинчи ракеткамиз Фаррух Дўстов ҳамда Хенри Лаксоненлар таклиф этилади. Дўстов ATP рейтингида 237, 25 ёшли Лаксонен эса 138-поғонани банд этиб турибди.
Эслатиб ўтамиз, Ўзбекистон терма жамоаси саралашда Хитой теннисчиларини 3:2 ҳисобида мағлубиятга учратиб, плей-оффда иштирок этиш ҳуқуқини қўлга киритганди.
Швейцарияликлар эса Жаҳон лигаси биринчи босқичида Италияга қарши ўйин ўтказиб, 0:5 ҳисобида мағлубиятга учраган эди. Ўзбекистон – Швейцария учрашуви ғолиби Жаҳон лигасига йўлланмани қўлга киритади.
Фикрлар