Бугун Шоҳжаҳон Эргашев синган қўли билан жанг ўтказади

Аввалига вакилимиз АҚШлик рақибга қарши чемпионлик жангини ўтказиши керак эди. Бироқ, Шоҳжаҳон машғулотлар вақтида жароҳат олди. Лекин, шунга қарамай жанг ўтказишга тайёрлигини маълум қилди.

Бироқ, якунда жанг чемпионлик учун эмас, рейтинг жанги бўлиши маълум бўлди. Боксчимизнинг жамоаси бу борада таваккал қилишни истамади.

Шу тариқа, вакилимиз бугун тожикистонлик Суннатулло Раҳматуллоевга қарши жанг қилади. Рақибнинг статистикасига назар ташлайдиган бўлсак, 6 та жанг ўтказган спортчи бир маротаба ғалаба қозонганлигини кўришимиз мумкин. Қолган 5 та жангда эса мағлубият аламини тотиб кўрган.