UZ

16 июн 18:42
Янгиликлар

Бокс/ММА

Бугунги бокс оқшоми тўғридан-тўғри намойиш этилади, фақат “Sport” каналида эмас!

Бироздан сўнг, аниқроғи соат 19:00да пойтахтимиздаги Wyndham Tashkent (Собиқ Дедеман) меҳмонхонасида профессионал бокс кечаси бошланади.

Ўзбекистон профессионал бокс федерацияси томонидан ташкил қилинаётган ушбу бокс кечаси “UzHD” телеканали орқали тўғридан-тўғри намойиш этилади. “Sport” телеканалида эса айни дақиқаларда Суперлиганинг “Андижон” - “Металлург” учрашуви жонли тарзда эфирга узатилмоқда.

Эслатиб ўтамиз, бугунги бокс оқшомининг марказий жанги Равшанбек Маҳаммаджонов иштирокида бўлиб ўтади. Ҳамюртимиз африкалик рақиб Жума Васвага қарши 10 раундлик чемпионлик жангида рингга кўтарилади. 

Ёдингизда бўлса, мағлубият нималигини билмай келаётган чарм қўлқоп устамиз Шоҳжаҳон Эргашев угандалик Жума Васва билан тўқнаш келган ва ўз чемпионлик камарини муносиб тарзда ҳимоя қилган эди. 

Бугунги оқшомнинг яна бир қизиқарли жанги Олим Назаров иштирокида кечади. Зуфар Сулаймоновнинг шогирди ҳисобланган Назаров танзаниялик Франк Кивалабега қарши жанг ўтказади.

Рейтинг:    

Фикрлар

< сўнгги янгиликларни кўриш

Olamsport ни Facebook да ўқиш
учун "Yoqdi"ни босинг